Alexandra K. Hafsteinsdóttir, MS nemi í jarðfræði við Háskóla Íslands, hlaut í vikunni Nýsköpunarverðlaun forseta Íslands fyrir verkefnið Kortlagning grunnvatns á Reykjanesskaga.
Verkefnið var unnið hjá Íslenskum orkurannsóknum og í samstarfi við vísindamenn Háskóla Íslands. Markmið þess var að kortleggja grunnvatnsstrauma á Reykjanesskaga með leiðni- og efnagreiningum, samhliða þróun nýrrar, rafknúinnar vatnsdælu sem auðveldar sýnatöku úr grunnum ferskvatnsholum.
Niðurstöðurnar sýna skýr skil milli vatnasvæða og eru í góðu samræmi við fyrri rannsóknir. Jafnframt var fylgst með mögulegum áhrifum eldgoss í Sundhnúkagígaröðinni, en niðurstöður benda ekki til marktækra breytinga á efnasamsetningu grunnvatnsins.
Verðlaunin eru veitt fyrir framúrskarandi verkefni styrkt af Nýsköpunarsjóði námsmanna árið 2025.
Við óskum Alexöndru til hamingju með viðurkenninguna.
Nánari upplýsingar um verkefnið og verðlaunin má finna hér
